هاسامحك خلاص
وهاخرج واقول
بصوت الادان نسيتلك خلاص
نسيت الاراضي والمليارات
نسيت سرور موافقه وعز الشريف
نسيت عادلي باشا والم الضعيف
نسيت صوت رصاصك ودمعه شهيد
نسيت الكرامه نسيت الحضاره
نسيت يوم ولادتي ونسيت انسى ايه
في عهدك ياريس
نسيت الحياه و ماعشتش ياريس
في حكمك ياريس :
دبحنا الشهيد .. خنقنا النزاهه والمسئوليه
قتلنا الكفاءه بالمحسوبيه
وااسامحك ياريس؟؟؟
اسامحك ليه وااقولها ازاي؟؟
اسامحك ياريس و اسامح جمال؟؟
اسامح جلالتك واسامح سوزان؟؟
اسامح نظيف واحضن شريف ؟؟
ابوس ايد سرور وعادلي ونور؟؟
هاسامحك خلاص وابوس الايادي
واقول بعلو صوتي خسرتك ياريس
خسرنا الامان بفتح اللومان
خسرنا الرغيف وقعدة رصيف
خسرنا النداله خسرنا السفاله
خسرنا خناقه طابور الرغيف
خسرنا زحامك خسرنا الحشيش
فقدنا الحنان.فقدنا الابوه فقدنا الاخوه
ابونا سعادتك واخونا ده ابنك
يلعن اخونا ويلعن سعادتك
اسامحك ياريس؟؟
اسامح سياستك؟؟
اسامح وريث عرش بسلامتك؟؟
اسامح مرات عظمه جلالتك؟؟
اسامح مخبرين وشويه شمامين؟؟
اسامح الحقاره وانسى الطهاره؟؟
ازعقي ياجاره وقولي لسعادته
.....اسامحك ياريس؟؟
اخنقني يا ريس ووشك بيضحك
اهون عليا من لعنه سامحتك
ليست هناك تعليقات:
إرسال تعليق